حاليا اواجه مشكله صعبه ، ولا أريد أن أنشر غسيلنا أمام الناس..
لقد كان بيني وبين صديق ...أتفاق ..و عـقـد غير مكتوب.
وهذا ما يمنعني من تداول المشكله أمام القضاء..
و نروح المحاكم و قبلها القسم و النيابه ..
طلبت اهل الخير ...و دقيت كل باب .
شرحت مشكلتي مع صديقي وزميلي وأخي ..
من الآخر كده ...كي لا اطيل عليكم ...وتسأمون .
كلما جلست بجوار احدهم وقصصت عليه المشكله...
يقول لي بكل بساطه ....صاحبك ما لهوش حق .
ويطلب مهله علشان يقابل صاحبي ..الطرف الثاني .
طبعا أتركه ليقابل صاحبي و أعود ...
والله النهارده كنت مشغول ..و أقابلهولك بكره ...
وعلي رأي ام كلثوم ...وبكره يفوت .. وبعده يفوت..
وانا بموت ...و بموت.
والاقي الراجل مش مقـدر مشكلتي والي انا فيه
ويقولي زي ما بتقول عفاف راضي..
ويجي بكره ..وبكره ها اقولك بعده...
أروح لمين ...أروح لغيره.
وأقول يا مين ينصفني منه ؟
ما اهوو أنت فرحي..
أفرح بيك ولا بلاش..تحل لي مشكلتي.
آآآآآآآآآآآآآآآآآآآآآآآهآآآآآآآآآآآآآآآه
آآآآآآآآآآآآآآآآآآآآآآآآآآآآآآآآآآآآآآآآآه ...ايه؟
من صرخات الالم لم يعد هناك من يعرف معني الآآآآه
ولو بقيت حتي الموت ...اقول آآآآآآآآه
ما فيش واحد راح يقول مالك ..ولا ما بيك ولا يناديك
ولا حد ها يسأل فيك ..
وان سأل فيك ...يكويك ...مع صاحبي ماليش حق..
و معايا صاحبي غلطان ...
أرحمونا من العذاب ...ودق الابواب
وأحكمــــــــوا .....مين الغلطان؟
هناك 13 تعليقًا:
اهاتك صعبه و مؤلمه
و لكن بالغم من كل من تخاذل معك
كن انت اقوى
و قول
يا دنيا لن تكسرينى فلست انا بمن تقدرين عليه
و لا تتوجع طلما معك الحق
و اصبر قليلا و لا تلجا للمحاكم و ان كان مفيش غيرها يبقى الله معك
فرصه : لقيت ما فيش تعليقات قلت كويس انا اول واحد .. اليومين دول ما حدش بيحل مشكلة حد .. كل الناس يقول لنفسه وانا مالى .. خلينى فى حالى .. وبعدين انت اتعديت منى وبقيت تكتب شعر .. طب انا باكتب فشاكيل لكن كويس انت بتحاول احسن منى
انا كتبت تعليق .. هوا راح فين .. على العموم اقول تانى : اصل اليومين دول ما حدش بنتحشر لحد : كل واحد يقول خليلك فى نفسك وانا مالى .. وبعدين انت اتعديت منى وبتكتب شعر.. طب انا بكتب شعرم متفشكل .. لكن كلمتين حلوين .. كويس .. شد حيلك وسمعنا كلام احسن
السلام عليكم..
أصعب شعور هو ألم الخيانة خصوصا إن نبعت من صديق
ولكنه الأمر الذي اصبح شيئاً عاديا خصوصا في التعاملات المادية
لهذا كان أمر الله : (يا أيها الذين آمنوا إذا تداينتم بدين إلي أجل مسميً فاكتبوه).. أيا كان هذا التداين وكانت اسبابه لشراكة أو لغيرها فهو مالٌ سيختلط وسيكون لأحدكما علي الآخر حساب دائن ومدين..
ليس هذا أمرنا فقد حدث ما حدث
كما سبق وقال اخواني يندر أن تجد أبناء النخوة الذين ينتصرون للمظلوم اليوم.. ولهذا أري أن تبحث عن طرقٍ أكثر عملية.. ونحن في دنيا أصبحت كالغاب
إن كنت تستطيع أن تنتزع حقك منه بأي صورة انتزاع فانتزعه.. سواء كان بتهديد صاحب سلطة أو برهن شئ مقابل أو حتي عن طريق بعض المحامين الذين يجيدون التصرف في مثل هذه الأمور
رئيس التحرير ورطتنى ونفختنى وانا عملت فيها الدكتور جمال حمدان وعملت فيها مؤرخ لكن حاكون مؤرخ خيبان .. عشان كدا انت بالذات استحملنى لكن حاحاول ان ابدأ من عهد الهكسوس وخصوصا احمس الاول الذى اكمل جهاد اخيه كامس وكامس هذا هو من اسس لطرد الهكسوس ,واكمل احمس الاول مهمته ونجح فى طردهم واحمس الاول هو آخر ملوك الاسره السابعة عشر ومؤسس الاسره الثامنه عشر لكن قبل ذلك دا موضوع كبير الواحد لو حط رجليه فيه مش حيخلص .. ..اليك تحياتى
يبدوا اننا وصلنا لمجتمع (الوسطاء يمتنعون عن فعل الخير) ليس امامك الا القضاء واذا كنت لاترغب فارفع شكواك الي الله
لا تنس الحملة الشعبية للقيد بالجداول الانتخابية
بسم الله
سيدي رئيس التحرير
آهات حضرتك وصلت و وجعت القلب كمان..جرح إيه ده ياترى اللي آهاته تعدي المسافات دي كلها..؟
جرح حضرتك فتح جراح عميقة جدا في قلب البنورة,,جراح اتسببت في شرخ كبير في إزازها..وربنا يستر والشرخ ما يكبرش ويتسبب في دشدشتها قريب..
هون عليك ياسيدي فإن خانك أصدقاء الواقع..فلن يخونك أصدقاء الشبكة العنكبوتية..فالصدق يجمعنا والود كذلك
هل تقصدنى انا متهيأ لى انك كان قصدك تودى الحكايه دى لحد تانى واذا كنت تقصدنى مش فاهم انت عايز تقول ايه .. انا حأحط لك التعليق واذا كان لى قول ايه قصدك واذا ماكانش برضه فهمنى ايه الموضوع (عجبني فيك اشياء كثيره جدا.ولو قلت لك هناك اشياء لا تعجبني تزعل مني ؟ رغم اني اعلم انك لن تقر المخطأ علي خطأه ولكني اتوقع ان تتلمس له الاعذار كما قلت في موضوع (السيخ )حقا هو بالسين ولا بالصاد ...اوعي تقولي بالشين .
اريد ان اعرف عنك المزيد اشياء مهمه ولا قيمه لها في علاقتنا ، هل تستوعب هذه الحقيقه . لا انكر ان كلانا يعرف وهما ..و يريد ان يصدقه ..يعرف حقيقه ويكذبها يعيش كذبه ويصدق فيها الي ابعد حد يتصوره عاقل او مجنون ... ما عادتش تفرق.
أخي العزيز ...أخي اللذيذ..هل لك ان تمتعني كما امتعتناسابقابفكرك الواسع
و موضوعيتك هل تصدق معنا لنكذب علي أنفسنا ...اري او هو يخيل لي اننا نعيش في حاله تغييب أو تغريب غريبه نشعر بها ولا نستطيع تشخيصها ...هل لديك اي دواء لهذا الداء ...ارجوك اتمني ان يكون مرا مراره الحقيقه .عزيزي الدكتور مسقبلا والاستاذ سابقا ...وعمي الكحيان حاليا..تصبح علي خيييييييير
اعلاه نص رساله وجهتها اليك ايضا لحبي الشديد لك ...رد عليا قبل البحث في التارخ).
يا أخى انت خليتنى اضرب اخماس فى اسداس واقعد ادور ايه اللى مزعل الريس منى واقعد افتكر واراجع التعليقات واراجع برضه تعليقاتى عندك لكن ما لقيتش حاجه وعرفت بعد كدا انك ما تقصدنيش لكن كان لازم استفسر منك عشان يمكن انا مش واخد بالى من الموضوع ولا حاجه .. على العموم الحمد لله جات سليمه .. وبرضه ايه الموضوع اللى مزعلك عند الكحيان .. برضه ياريت تقول لى عليه عشان اروح للكحيان واكون حمامة سلام بينكم وبين بعض واذا ما كانش فيه موضوع اصلا يبقى الحمد لله وانا ما كنتش زعلان ولا حاجه .. بس انا كنت باستفسر ونسخت ليك الكلام عشان تفتكر وتحكى لى .. والله انا قعدت متضايق من ساعة ما قريت التعليق حتى الان واقول انا مزعل ريسنا فى ايه وبعدين اذا كنت اكتشفت حاجه كنت حاصالحك على طول .. الحمد لله وانا مايهونش على زعلك ابداز
هى ايه المشكلة بالظبط؟
عموما بما ان مفيش حاجة تثبت حقك مفيش قدامك غير انك تحاول تقنعه
او تتركه للزمن وهو كفيلة بان يرجعه لرشده
ربنا رزقنا بيك يا ريس
عزيزى رئيس التحرير .. التاريخ القديم على وجه التحديد كله عباره قراءه للحفريات المكتشفه وما ذكرته هذه واحده من وجوه التاريخ والوجه الاخر تقول ان اصل كلمة قبط هى كلمة (جبت) وجبت باليونانيه والله متهيأ لى انا باللاتينيه المهم انها باحدى هاتين اللغتين وتعنى الارض الطيبه التى تنتج الخير ثم تطورت الكلمه الى جبتوس .. ثم الى ايجبت ومعنى قبطى تعنى مصرى ولا تعنى مسيحى فقط وانما هى اطلقت على المسيحيين المصريين واشتهروا بها ولكن كلنا اقباط .. اى مصرييين egyption أما القول بأن مصر بن نوح فالمشهور من التاريخ ان نوح كان له اربعه الاول غرق فى الطوفان (انه ليس من اهلك) والباقين سام وحام ويافث هما الذين بقوا مع نوح وركبوا معه المركب واستقربهم على الجودى وجبل الجودى وخصوصا المكان الذى استقرت عليه السفينه فى تركيا ويقال ان هناك حفريات حديثه للسفينه وسام بن نوح هو ابو الجنس السامى الذى سكن الجزيرة العربيه اما حام فقد سكن السودان وليست السودان الاقليم هى المقصوده ولكن كل افريقيا كانوا يطلقون عليها السودان اما يافث ابو الجنس التركى فقد سكن تركيا وهو ابو الجنس التركى او الجنس الاوربى .. تحياتى
شفت فرحة الامريكان بنجاح باراك اوباما فى الانتخابات الامريكيه بناء على اقتراعهم .. يا بختهم ببلادهم ويا تعسنا
إرسال تعليق